ಚಕ್ಕರ್ಪೆ ಪಾನಕ ಸವಿದಾಯ್ತು, ಈಗ ದೋಸೆ ಮಾಡೋಣ.
2 ಲೋಟ ಅಕ್ಕಿ ತೊಳೆದು, ನೆನೆಯಲು ಬಿಡಿ.
ಒಂದು ಹದ ಗಾತ್ರದ ಮುಳ್ಳುಸೌತೆಯನ್ನು ತೊಳೆದು, ಒರೆಸಿಟ್ಟು ಸಿಪ್ಪೆ ಸಹಿತವಾಗಿ ತುರಿಯಿರಿ.
ಒಂದು ಲೋಟ ಮೊಸರು.
ಅರ್ಧ ಕಡಿ ತೆಂಗಿನತುರಿ.
ರುಚಿಗೆ ತಕ್ಕಷ್ಟು ಉಪ್ಪು.
ಸಂಜೆಯ ವೇಳೆ ಎಲ್ಲವನ್ನೂ ಕೂಡಿ ನುಣ್ಣಗೆ ಅರೆಯಿರಿ.
ಮುಂಜಾನೆ ದೋಸೆ ಎರೆಯಿರಿ.
ನೀರುಳ್ಳಿ ಚಟ್ಣಿ, ಬೆಲ್ಲದ ಪಾಕ, ಮೊಸರು ಇರಬೇಕು, ಫಿಲ್ಟರ್ ಕಾಫಿ ಇಲ್ಲದಿದ್ದರಾದೀತೇ..
ಚಕ್ಕರ್ಪೆ ಗೊಜ್ಜು
ಮುಳ್ಳುಸೌತೆಯನ್ನು ತೊಳೆದು ತುರಿಯಿರಿ.
ಅರ್ಧ ಕಡಿ ತೆಂಗಿನತುರಿ, ನೀರು ಹಾಕದೆ ಅರೆಯಿರಿ.
ಒಂದು ಲೋಟ ದಪ್ಪ ಮೊಸರು.
ರುಚಿಗೆ ತಕ್ಕಷ್ಟು ಉಪ್ಪು.
ಎಲ್ಲವನ್ನೂ ಬೆರೆಸಿ , ಒಗ್ಗರಣೆ ಕೊಡಿ.
ಊಟದ ರುಚಿ ಹೆಚ್ಚಿಸುವ ಸಹವ್ಯಂಜನ ಇದಾಗಿದೆ.
ಬೇಸಿಗೆಗೆ ಸೂಕ್ತ, ದೇಹಕ್ಕೂ ತಂಪು.
ಬೇಯಿಸುವ ರಗಳೆ ಇಲ್ಲದ ಅಡುಗೆ.
0 comments:
Post a Comment