Pages

Ads 468x60px

Saturday 4 July 2015

ಸಂಜೆಯ ಸೊಗಸು






ಮಳೆಗಾಲ ಅಲ್ವೇ,  ಬಾಳೆಗೊನೆ ಹಣ್ಣಾಗಿದೆ.   ಹಾಗೇನೇ ತಿಂದು ಮುಗಿಸಲು ಆಗುವುದಿಲ್ಲ,  ಇದಂತೂ ಚಿಕ್ಕ ಚಿಕ್ಕ ಹಣ್ಣು,  ಸುಲಿದು ತಿನ್ನಲಿಕ್ಕೂ ಉದಾಸೀನ ಬಿಡದು.  ಅದಕ್ಕೇನು ಮಾಡೋಣಾಂತೀರಾ ?

ಸಂಜೆಯ ಚಹಾದೊಂದಿಗೆ ಏನೋ ಒಂದು ತಿನ್ನಲು ಬೇಕಲ್ಲ,  ಈಗ ಮ್ಯಾಗಿ ನೂಡಲ್ಸ್ ಇತ್ಯಾದಿ ತಿನ್ನೋ ಹಾಗಿಲ್ಲ,  ನಾವಂತೂ ಒಮ್ಮೆಯೂ ತಂದವರಲ್ಲ ಬಿಡಿ !

ಅವಲಕ್ಕಿ ಇದೆ,  ತೆಂಗಿನತುರಿ ಇದೆ,  ಬೆಲ್ಲ ಇದೆ.  
7 - 8  ಬಾಳೆಹಣ್ಣು ತೆಳ್ಳಗೆ ಕತ್ತರಿಸಿ.
ಒಂದು ಚಮಚಾ ಎಳ್ಳು ಹುರಿಯುವುದು.
ಅವಲಕ್ಕಿ ಕಲಸಲಿಕ್ಕೂ ಒಂದು ಲೆಕ್ಕಾಚಾರ ಬೇಡ್ವೇ, ಬೇಕಲ್ಲ !
ಒಂದು ಹಿಡಿ ಕಾಯಿತುರಿಗೆ ನಾಲ್ಕು ಹಿಡಿ ಅವಲಕ್ಕಿ,  ಈ ಥರ ಅಳತೆ ಇರಲಿ.
ಬೆಲ್ಲವೂ ಅಷ್ಟೇ,  ಕಾಯಿತುರಿ ಎಷ್ಟಿದೆಯೋ ಅಷ್ಟು ಇರಲಿ.
ರುಚಿಗೆ ಚಿಟಿಕೆ ಉಪ್ಪು. 

ಎಲ್ಲವನ್ನೂ ತಪಲೆಗೆ ಸುರುವಿಕೊಂಡು ಕಲಸುವುದು.
ಹ್ಞಾ,  ಒಂದು ಚಮಚ ತಾಜಾ ತುಪ್ಪ ಕೂಡಿಸಿ ಕಲಸಿದಾಗ ಅವಲಕ್ಕಿ ಕಲಸು ಸಿದ್ಧ.
ಸುವಾಸನಾಭರಿತ ಈ ಸಿಹಿ ಅವಲಕ್ಕಿ ನಮ್ಮ ಇಂದಿನ ಸಂಜೆಯ ಸೊಗಸು.

ಒಣ ಹಣ್ಣುಗಳಾದ ದ್ರಾಕ್ಷಿ, ಗೋಡಂಬಿಗಳಿಂದ ಅಲಂಕರಿಸಿ,  ಏಲಕ್ಕಿ ಪುಡಿ ಹಾಕಬಹುದು.
ಈಗ ರಮ್ಜಾನ್ ಮಾಸ ಅಲ್ವೇ,  ತಾಜಾ ಖರ್ಜೂರ ಎಲ್ಲೆಡೆ ಲಭ್ಯ,  ಬಾಳೆ ಹಣ್ಣಿನ  ಬದಲು ಖರ್ಜೂರವೂ ಆದೀತು. 





0 comments:

Post a Comment