ಟೊಮ್ಯಾಟೋ ಪಲ್ಯ

 

ಜೋಳದ ಪಲ್ಯ ಓದಿದ್ದೀರಲ್ಲ, ಈ ಪಲ್ಯವನ್ನು ಓದಿದ ಫೇಸ್ ಬುಕ್ ಮಿತ್ರರಾದ ಮುರಳೀಕೃಷ್ಣ ಇನ್ನೊಂದು ಸರಳ ವಿಧಾನದ ಪಲ್ಯವನ್ನು ಪರಿಚಯಿಸಿಕೊಟ್ಟರು.

ಮಾಡಿದ್ದು ಹೇಗೇ?  ತಿಳಿಸಿ,

ಮುಸುಕಿನ ಜೋಳವನ್ನು ಬಿಡಿಸಿ,

ಟೊಮ್ಯಾಟೋ ಹಸಿಮೆಣಸು ಬೆಳ್ಳುಳ್ಳಿ ನೀರುಳ್ಳಿ ಶುಂಠಿಗಳನ್ನು ಆಯಾ ಕ್ರಮದಲ್ಲಿ ಕತ್ತರಿಸಿ,

ಬಿಡಿಸಿದ ಜೋಳವನ್ನು ಒಂದು ಹಿಡಿ ಹಸಿ ತೆಂಗಿನತುರಿಯೊಂದಿಗೆ ತರಿ ತರಿಯಾಗಿ ಬೀಸಿ,

ಬಾಣಲೆಗೆ ಒಗ್ಗರಣೆ ಸಾಹಿತ್ಯಗಳನ್ನು ಉದುರಿಸಿ,

ಸಾಸಿವೆ ಸಿಡಿದ ನಂತರ,  ಕರಿಬೇವು ಬೀಳಿಸಿ,

ಹೆಚ್ಟಿಟ್ಟ ಟೊಮ್ಯಾಟೋ ಇತ್ಯಾದಿಗಳನ್ನು ಬಾಡಿಸಿ,

ಜೋಳದ ತರಿಯನ್ನು ಕೂಡಿಸಿ,

ರುಚಿಗೆ ತಕ್ಕ ಪ್ರಮಾಣದಲ್ಲಿ ಉಪ್ಪು,  ಚಿಟಿಕೆ ಅರಸಿಣ,  ಇಂಗಿನ ನೀರು, ಬೇಕಿದ್ದರೆ ತುಸು ಮಸಾಲೆ ಹುಡಿ ಬೆರೆಸಿ,

ಮಂದಾಗ್ನಿಯಲ್ಲಿ ಮುಚ್ಚಿ ಬೇಯಿಸಿ,

ಜೋಳ ಬೆಂದ ನಂತರ ಇಳಿಸಿ.

ಬೇಕಿದ್ದರೆ ಕೊತ್ತಂಬರಿ ಸೊಪ್ಪು ಉದುರಿಸಿ.

ದೋಸೆ, ಚಪಾತಿಗೆ ಹಿತವಾದ ವ್ಯಂಜನ ಇದಾಗಿದೆ.

ಮಧ್ಯಾಹ್ನದ ಊಟಕ್ಕೂ ಆಯ್ತು,  ಸಂಜೆಯ ಬ್ರೆಡ್ ಜೊತೆ ಕೂಡಾ ಹಿತವಾಗಿದ್ದಿತು.