ಬಸಳೆಯ ಲಾಸ್ಯ

ಚಪ್ಪರದ ಮನೆಯಿಲ್ಲ
ಗೊಬ್ಬರದ ಹಂಗಿಲ್ಲ
ನನ್ನ ಪಾಡಿಗೆ ನಾನಿರುವೆನಲ್ಲ
ಸಾಕೆನಗೆ ಬಾನ ಕರಿಮುಗಿಲ ಮಳೆ
ಅನ್ನುತಿರುವಳೆ ಈ ಬಸಳೆ

ಪಕ್ಕದ ಮನೆಯಂಗಳ ಏರಿ
ಒಂದಾಳೆತ್ತರದ ಗೋಡೆಯ ಹಾರಿ
ಇಣುಕುತಿರುವಳೀ ಬಸಳೇ
ಬರಲೇ ಇನ್ನೂ ಮುಂದೆ ಬರಲೇ
ಅನುಮತಿ ಕೇಳುತಿರುವಳೇ

ಬೇಕಿದ್ದರೆ ಕತ್ತರಿಸಿಕೋ ನನ್ನ
ಕತ್ತರಿಸಿದಷ್ಟೂ ಚೆನ್ನ
ಒಂದು ಕುಡಿ ಎರಡಾಗಲು ಹಾದಿ
ಮಾಡಿ ಬಿಡು ಬಸಳೇ ಹುರುಳೀ - ಬಪ್ಪಂಗಾಯಿ ಬೆಂದಿ
ಕೊಟ್ಟು ಬಿಡು ವಗ್ಗರಣೇ ಬೆಳ್ಳುಳ್ಳೀ
     

ಟಿಪ್ಪಣಿ:  6/12/2015 ರಂದು ಮುಂದುವರಿದಿದೆ ಈ ಬಸಳೆಯ ಕವನ

ಬಸಳೆಯ ಬಿನ್ನಾಣ

ಇವತ್ತು ಏನು ಪದಾರ್ಥ

ಇದೆ ಕೈಯಲ್ಲಿ ಕತ್ತಿ

 ಚಪ್ಪರದ ಬಸಳೆ ಸಾಗುತಿದೆ ಅತ್ತಿತ್ತ

ಚಕಚಕನೆ ಕತ್ತರಿಯಾಟ

ಬೇಯಲು ಬೇಕು ಒಂದೂ ಗಂಟೆ

ತಿಳಿದಿದೆ ಏನೋ ಅಷ್ಟಿಷ್ಟು

ಅಂತೂ ನಾನೂ ಬಸಳೆ ಆರ್ಟಿಸ್ಟು

ಇದು ಯಾವ ಕಾವ್ಯ ಪ್ರಕಾರ

ಗೊತ್ತಿಲ್ಲರೀ

ಹಾಕಿರುವೆ ಚಿತ್ರಕ್ಕೆ ಪ್ರಾಕಾರ