ಮನೆಯ ಬೆಳಕು

“ ಅಮ್ಮ, ದೀಪಾವಳಿಗೆ ನಾವೆಲ್ಲರೂ ಊರಿಗೆ… “ ಮಗನ ಮೆಸೇಜ್ ಬಂದಿತು.

“ ಅಮ್ಮ, ನಿನಗೇನು ತರಲೀ… “ ಮಗಳ ಪ್ರಶ್ನೆ.

“ ಏನೂ ಬೇಡ ಬಿಡು, ಎಲ್ಲರೂ ಬರುತ್ತೀರಲ್ಲ, ಅದೇ ಸಾಕು. “

“ ನಿನಗೇಂತ ಕೈಯಲ್ಲೇ ಹೊಲಿಯುವ ಮೆಶೀನ್ ಕೊಂಡುಕೊಡಿದ್ದೇನೆ. “ ಎಂದಳು ಶ್ರೀದೇವಿ.

“ ಹೌದ! ನಿನಗೆ ಮಾತ್ರ ನನ್ನ ಲೈಕುಗಳು ಅರ್ಥವಾಗೋದು… “

ದಿನ ನಿಗದಿಯಾಗಿದ್ದಂತೆ ಬೆಳ್ಳಂಬೆಳಗ್ಗೆ ಮನೆ ತಲುಪಿದ ಮಕ್ಕಳು, “ ಅತ್ತೇ, ಹೊಲಿಗೆ ಮೆಶೀನು ಬಂದಿದೆ. “ ಮೈತ್ರಿಯ ಕೈಯಲ್ಲಿ ಪುಟ್ಟ ಬಾಕ್ಸ್.

“ ಅಮ್ಮ, ಇದರಲ್ಲಿ ಹೊಲಿಗೆ ಹಾಕಲಿಕ್ಕೆ ಎರಡು ಬ್ಯಾಟರಿ ಹಾಕ್ಬೇಕು, ಅದು ನಮ್ಮೂರಲ್ಲೇ ಸಿಗುತ್ತೆ... “ ಎಂದ ಮಗಳು.

“ ಸರಿ ಬಿಡು, ಅದನ್ನೆಲ್ಲ ನಿಧಾನವಾಗಿ ನೋಡಿಕೊಳ್ಳೋಣ, ಈಗ ಎಲ್ಲರೂ ತಿಂಡಿ ತಿಂದು ಮಲಗಿಕೊಳ್ಳಿ. “

ಸಂಜೆ ಆಯ್ತು, ನನ್ನ ಮುಸ್ಸಂಜೆಯ ರೂಢಿಯಂತೆ ಪುಟ್ಟ ದೀಪ ಹೊತ್ತಿಸಿ ಇಟ್ಟೆ. ಮೈತ್ರಿ ದೇವರ ಕೋಣೆಯಿಂದ ಹೂಬತ್ತಿಗಳನ್ನು ತೆಗೆದುಕೊಂಡು ಹೊರ ಬಂದಳು. ಅವಳೇನು ಮಾಡ ಹೊರಟಿದ್ದಾಳೆ ಎಂದು ನೋಡುವ ವ್ಯವಧಾನ ಇಲ್ಲದ ನಾನು ರಾತ್ರಿಯ ಅಡುಗೆಯ ತಯಾರಿಗಾಗಿ ಒಳಗೆ ಹೋದೆ.

ಹೊರಗಿನಿಂದ ಗದ್ದಲ ಕೇಳಿಸುತ್ತ ಇದೆ, “ ಅಮ್ಮ, ಬಾ ಇಲ್ಲಿ... ಒಳಗೆ ಏನು ಮಾಡ್ತಾ ಇದ್ದೀಯಾ? “
ಹೊರ ಬಂದಾಗ,



“ ಅತ್ತೇ ಈ ಫೋಟೋ ನಿಮ್ಮ ಬ್ಲಾಗ್ ನಲ್ಲಿ ಹಾಕಿ...” ಎಂದಳು ಸೊಸೆ.

ಹೌದಲ್ಲವೇ, ಶ್ರೀದೇವಿ ಕ್ಲಿಕ್ಕಿಸಿದ ಐಫೋನ್7ಪ್ಲಸ್ ಕೆಮರಾದ ಕಾರ್ಯಕ್ಷಮತೆ ಯಾವುದೇ ವೃತ್ತಿಪರ ಛಾಯಾಗ್ರಹಣವನ್ನೂ ನಾಚಿಸುವಂತಿದೆ!