ಪುಷ್ಪ ಸಾಂಗತ್ಯ

ಬೆಳಕಿನ ಬೆಳಗಾಯಿತು
ಹಸಿರಿನ ಉಸಿರು ಹೊರ ಹೊಮ್ಮಿತು
ಪ್ರಭಾತ ಕಿರಣ ತೂರಿ ಬಂದಿತು
ಹೂವು ಬಿರಿದು ಅರಳಿತು
ಗಿಡದಲಡಗಿದ ಮೊಗ್ಗೆ ಏನೆಂದಿತು
ಮುಸ್ಸಂಜೆಯೊಂದು ಬರಲಿದೆ
ಚಿಂತಿಸದಿರು ಅಕ್ಕಾ,  
ಇದೇ ಮೊಗ್ಗೆ ನಾಳೆ ಬಿರಿಯಲಿದೆ
ಮುಗಿಯದ ವರ್ತಮಾನ ಇಲ್ಲಿದೆ |

ಹೂವಿನೊಳಗೆ ಕುಸುಮವೂ
ಕುಸುಮದೊಳಗೆ ಗಂಧವೂ
ತುಂಬಿದದವರಾರೇ ಅಕ್ಕಾ,  
ಹೂವಿನಿಂದ ಚೆಲುವು ಬಂದಿತೇ
ಈ ಚೆಲುವು ಮೊದಲೇನಾಗಿತ್ತೇ
ಕೇಳಿದರೆ ಉತ್ತರಿಸುವವರಿಲ್ಲ
ತಿಳಿದವರು ಇಲ್ಲವೇ ಇಲ್ಲ |

Posted via DraftCraft app